Kokainë e kanabis në Gjirokastër, vihen në pranga dy të rinj

Dy të rinj nga Gjirokastra janë vënë në pranga pas disa muajsh hetime, pasi dyshohet të jenë përfshirë në prodhimin dhe shitjen e lëndëve narkotike.

Nga kontrollet në banesat e tyre, policia gjeti dhe sekuestroi 236 gramë kokainë dhe 253 fara kanabisi.

Në kuadër të operacionit policor të koduar “Ndërmjetësi”, u arrestuan Elis Ballaxhia dhe Daniel Hazizaj.

Gjatë operacionit, shërbimet e Policisë kanë ushtruar kontroll në banesat e këtyre 2 shtetasve, në të cilat kanë gjetur 253 fara cannabis sativa, 236 gramë kokainë dhe 2 peshore elektronike, të cilat u sekuestruan cilësinë e provës materiale, bashkë me 3 celularë.

Materialet procedurale i kaluan Prokurorisë Gjirokastër, për veprime të mëtejshme.