Ka zgjatur dy ditë arratia e 23 vjeçarit i cili mesditën e 13 majit qëlloi me plumb në kokë efektivin e Shqiponjave Novruz Cenalia në fshatin Baltëz të Fierit.
MCN Tv ka siguruar videon e momentit kur Azgan Mërnica hipën në makinë për tu vetëdorëzuar.
Në video i riu duket i qetë, madje në fytyrë 23 vjeçari ka dhe një të qeshur. Familjarët përcjellin vrasësin e dyshuar të policit si një hero.
Babai dhe daja i tij kanë ndihmuar të vetëzorëzohet i riu, ndërsa një grua dëgjohet të thotë “Zotin para’.
23-vjeçari Azgan Mërnica, është vetëdorëzuar mbrëmjen e djeshme në polici, i shoqëruar me makinë nga një i afërmi i tij, ndërsa ndaj tij rëndojnë akuzat për veprat penale “Vrasje të punonjësve të policisë së shtetit” dhe “Mbajtja pa leje e armëve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
