Gjykata e Lartë ka njoftuar sot se ka shpallur zyrtarisht listën e kandidatëve që plotësojnë kushtet ligjore për t’u zgjedhur anëtar i Këshillit të Lartë Gjyqësor.
Nga Gjykata e Lartë:
-Asim Vokshi
-Klodian Kurushi
Nga Gjykatat e Apeleve:
-Vojsava Osmanaj - Gjykata e Apelit Shkodër
-Ridvan Hado - Gjykata e Apelit Tiranë
Nga Gjykatat e Rretheve Gjyqësore:
-Manjola Xhaxho - Gjykata e Rrethit Gjyqësor Tiranë
-Irena Plaku - Gjykata e Rrethit Gjyqësor Tiranë.
Nikur nga kjo, në bazë të parashikimeve ligjore, Këshilli i Lartë Gjyqësor është organ kolegjial i përbërë nga 11 (njëmbëdhjetë) anëtarë, të cilët shërbejnë në detyrë me kohë të plotë.
Prej këtyre, 6 (gjashtë) anëtarë të Këshillit janë gjyqtarë nga të gjitha nivelet e pushtetit gjyqësor, nga të cilët; 1 anëtar nga Gjykata e Lartë, 2 anëtarë nga Gjykatat e Apelit; dhe 3 anëtarë nga Gjykatat e Rretheve Gjyqësore.
Me këtë rast, Gjykata e Lartë ka njoftuar për datën 08 nëntor, Mbledhja e Përgjithshme e gjyqtarëve të të gjitha niveleve, përgjatë së cilës, do të diskutohet 1. Zgjedhja e anëtarëve të Këshillit të Lartë Gjyqësor dhe 2. Zgjedhja e anëtarit të Këshillit Drejtues të Shkollës së Magjistraturës, nga radhët e gjyqtarëve me përvojë.
Për pikën e parë të rendit të ditës Gjykata e Lartë ka bërë njoftimin lidhur me kandidaturat që do të marrin pjesën në garën për anëtarë të Këshillit të Lartë Gjyqësor.
Për pikën e dytë të rendit të ditës Gjykata e Lartë iu bën thirrje gjyqtarëve me përvojë, që kanë kontribuar si ekspertë në programin e trajnimit fillestar dhe vazhdues apo në programe të tjera pranë Shkollës së Magjistraturës të paraqesin kandidaturën e tyre për anëtar të Këshillit Drejtues, duke depozituar aplikimin pranë kësaj gjykate.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
