Policia e Shkodrës ka njoftuar se në lidhje me një aksident të ndodhur dje në aksin rrugor "Shkodër-Koplik", specialistët e Sektorit të Policisë Rrugore referuan materialet në Prokurori, ku nisi procedimi në gjendje të lirë për shtetasin Xh. H., 71 vjeç.
Ky shtetas ndiqet për veprën penale “Shkelja e rregullave të qarkullimit rrugor”, pasi duke drejtuar motomjetin, ka humbur kontrollin dhe për pasojë motomjeti ka dalë nga rruga.
71-vjeçari ndodhet në Spitalin e Traumës në Tiranë, në kujdesin e mjekëve.
Gjithashtu, specialistët e Sektorit të Qarkullimit Rrugor referuan materialet në Prokurori, ku filloi procedimi në gjendje të lirë për shtetasin V. P., 32 vjeç i cili duke drejtuar motomjetin pa leje drejtimi, ka humbur kontrollin dhe për pasojë motomjeti ka dalë nga rruga.
32-vjeçari ndodhet në Spitalin Rajonal Shkodër, jashtë rrezikut për jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
