Përplaset një kamion me një motor në Kombinat, humb jetën një person

Një aksident i rëndë ka ndodhur në zonën e Kombinatit, pranë komisariatit në Tiranë, ku si pasojë një person ka humbur jetën.

Mësohet se në aksident janë përfshirë një kamion dhe një motor. Drejtuesi i motomjetit ka ndërruar jetë në vend, si pasojë e plagëve të marra.

Viktima është identifikuar si 61-vjeçari me inicialet Y.D.

Ndërkohë, grupi hetimor ndodhet në vendin e ngjarjes dhe po punon për zbardhjen e plotë të rrethanave të aksidentit.

Tiranë/Informacion paraprak

Rreth orës 10:45, në rrugën “Llazi Miho”, kamioni me drejtues shtetasin G. Gj., rreth 34 vjeç, është përplasur me një motomjet me drejtues shtetasin Y. D., 61 vjeç, i cili për pasojë ka humbur jetën.    

Nga aksidenti është dëmtuar edhe shtetasi K. A., këmbësor (punonjës policie, jashtë detyre), i cili po merr ndihmë mjekësore në spital.      

Shtetasi G. Gj., u shoqërua në Komisariat, për kryerjen e veprimeve procedurale.  

Grupi hetimor ndodhet në vendngjarje dhe po punon për zbardhjen e rrethanave të aksidentit.

Materialet procedurale iu referuan Prokurorisë së Tiranës, për veprime të mëtejshme.