Përfshihet nga flakët makina në ecje, shpëton shoferi

Një makinë është përfshirë nga flakët  mesditën e kësaj të shtune teksa ka qenë duke ecur  në autostradën Tiranë-Durrës.

Burime zyrtare nga policia bënë me dije se nga flakët u përfshi mjeti me drejtues shtetasin me inicialet A. Z., i cili fatmirësisht ka arritur të dalë në kohë nga mjeti.

Në hyrje të autostradës Tiranë-Durrës, dyshohet se si pasojë e një defekti teknik ka marrë flakë në lëvizje mjeti me drejtues shtetasin A. Z., ku ka vetëm dëme materiale.
 

Policia dhe grupi hetimor ndodhen në vendngjarje dhe po punojnë për përcaktimin e rrethanave të ngjarjes.