Të paktën 20 vatra zjarri kanë shpërthyer brenda një ore në fushat e korrura të grurit dhe nëpër kanalet e tokave bujqësore të Tërbufit.
Bëhet me dije se një makinë dhe dhjetëra hektarë tokë bujqësore janë djegur.
Në pamjet e siguruara nga MCN TV duket një kamionçinë e djegur në mes të tokave në fshatin e quajtur Zham Fshat.
Mësohet se pronari i mjetit kishte shkuar të mblidhte dengjet e kashtës dhe si rezultat i zjarrit u dogjën jo vetëm ngarkesat me bar të thatë, por edhe automjeti.
Policia është duke hetuar për autorët e ndezjes së zjarreve dhe të paktën 10 persona janë të dyshuar. Janë djegur 50 hektarë tokë me drithëra dhe 10 hektarë pemë frutore dhe agrume.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
