Një 47-vjeçar i shpallur në kërkim për disa vepra penale, është ekstraduar nga Gjermania në Shqipëri. Policia e Shtetit bën të ditur se i ekstraduari është shtetasi me inicialet H. M., i arrestuar nga autoritetet policore në Gjermani, me qëllim ekstradimin drejt Shqipërisë.
Sipas burimeve, i ekstraduari mësohet se është ish-truproja i ish-ministrit të Brendshëm,Saimir Tahiri.
Gjykata e Posaçme Kundër Korrupsionit dhe Krimit të Organizuar Tiranë, në kuadër të operacionit “Shpirti”, i ka caktuar këtij shtetasi, masën e sigurimit personal “Arrest në burg”, për veprat penale “Trafik narkotikësh”, “Pastrimi i produkteve të veprës penale”, “Grup i strukturuar kriminal” dhe “Kryerja e veprave penale nga organizata kriminale dhe grup i strukturuar kriminal”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
