Aksidenti i 5 tetorit në Rrëshen/ Ndërrojnë jetë në spital çifti i bashkëshortëve

Ka ndërruar jetë çifti i bashkëshortëve që mbetën të plagosur në aksidentin e shënuar në Rrëshen më 5 tetor.

Çifti i bashkëshortëve P.P dhe P.L ndërruan jetë në spitalin e Traumës në Tiranë, ku po merrnin mjekim prej disa kohësh.

Pavarësisht përkujdesit mjekësor ata nuk munden t’ju mbijetojnë plagëve të marra dhe gjetën vdekjen në spitalin e Traumës në Tiranë.

Në këtë aksident tragjik u përfshinë dy makina, në fillim ndërroi jetë drejtuesi i mjetit tip “Ford” shtetasi A.S., 52 vjeç, banues në Mamurras, Kurbin, ndërsa tani ka ndërruar jetë edhe çifti i bashkëshortëve duke e çuar numri e viktimave në tre në këtë aksident tragjik.

Nga ky aksident mbeti i plagosur dhe një person tjetër i cili po merr mjekim ne spital.