Përplasi me makinë policin në Tiranë, arrestohet i riu

Policia e Tiranës ka arrestuar një person pasi nuk i është bindur urdhrit të policisë dhe e ka kundërshtuar atë më dhunë.

Po ashtu, i arrestuari ka goditur me makinë efektivin e policisë i cili ka marrë dëmtime të lehta dhe më pas është larguar me mjetin të cilin e drejtonte pa leje drejtimi.

I arrestuari është identifikuar me inicialet A. G., 27 vjeç, banues në Tiranë.  Sipas policisë, në pikën e kontrollit të ngritur nga ana e “Shqiponjave” dhe “Shigjetave”, në vendin e quajtur “Ish-Fusha e Aviacionit” në Tiranë, i është bërë shenjë ndalimi mjetit tip “BMW”, drejtuesi i të cilit nuk i është bindur urdhrit të punonjësit të policisë.