Policia e Durrësit ka arrestuar shoferin e trajlerit, i cili ditën e djeshme aksidentoi për vdekje punonjësen e sigurisë në Portin e Durrësit, 25-vjeçaren Arkineda Haskasa. Ngjarja e rëndë ndodhi rreth orës 15:30 brenda ambienteve të Portit, ku viktima punonte si punonjëse sigurie.
Sipas dëshmitarëve, punonjësja po qëndronte në sheshin e portit pasi ishte në detyrë ndërsa trajleri i tonazhit të rëndë e ka tërhequr për disa metra zvarrë atë. Drejtuesi i trajlerit është një 39-vjeçar nga Kosova. “Specialistët e Qarkullimit Rrugor në Drejtorinë Vendore të Policisë Durrës arrestuan në flagrancë shtetasin F. K., 39 vjeç, banues në Malishevë, Kosovë, pasi më datë 07.01.2021, në ambientet e portit, duke drejtuar mjetin tip ‘Man’ (trajler), ka aksidentuar shtetasen A. H., 25 vjeçe, e cila për pasojë ndërroi jetë. Materialet i kaluan Prokurorisë së Rrethit Gjyqësor Durrës, për veprime të mëtejshme”, njoftoi policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
