Akuzohen për vepra të ndryshme penale, 4 të arrestuar në Durrës

Policia e Durrësit ka vënë në pranga 4 persona për vepra të ndryshme penale.

Bëhet me dije se në prangat e policisë ka rënë 63-vjeçari me iniciale S/K pasi ka vjedhur produkte ushqimore në banesën e një tjetër shtetasi.

Po ashtu në prangat e policisë ka rënë një 39-vjeçar me iniciale R. K.,  pasi ka kanosur dhe dhunuar bashkëjetuesen e tij.

A. D., 27 vjeç, banues në Durrës është arrestuar pasi duke drejtuar automjetin, pa leje drejtimi, ka aksidentuar shtetasin E. B., që udhëtonte me biçikletë.

Njoftimi i policisë: DVP Durrës/Vihen në pranga 4 shtetas, për vepra të ndryshme penale.

Specialistët për Hetimin e Krimeve në Komisariatin e Policisë Durrës arrestuan në flagrancë, për veprën penale "Vjedhja", shtetasin S. K., 63 vjeç, banues në fshatin Bishqem, Peqin, pasi ka vjedhur disa produkte ushqimore, në banesën e shtetasit S. K. Nga veprimet hetimore rezulton se ky shtetas, më datë 15.07.2022, ka vjedhur produkte të tjera ushqimore, në banesën e shtetasit Q. G. 

Specialistët për Hetimin e Krimit në Postën e Policisë Manzë ndaluan shtetasin R. K., 39 vjeç, banues në fshatin Hamallë, Durrës, i shpallur në kërkim për veprat penale "Kanosja" dhe "Dhuna në familje", pasi ka kanosur dhe dhunuar bashkëjetuesen e tij.

Specialistët e Qarkullimit Rrugor arrestuan në flagrancë, për veprën penale "Drejtimi i automjeteve në mënyrë të parregullt", shtetasit:

E. D., 19 vjeç, banues në Durrës, pasi duke drejtuar automjetin, pa leje drejtimi, është përplasur me automjetin me drejtues shtetasin R. H., i cili ndodhet nën kujdesin e mjekëve;

A. D., 27 vjeç, banues në Durrës, pasi duke drejtuar automjetin, pa leje drejtimi, ka aksidentuar shtetasin E. B., që udhëtonte me biçikletë, i cili ndodhet nën kujdesin e mjekëve.

Materialet i kaluan Prokurorisë, për veprime të mëtejshme.