Një aksident me pasojë plagosjen e një personi ka ndodhur mesditën e sotme në aksin rrugor Lezhë-Shëngjin.
Mësohet se një makinë është përplasur me një betoniere në afërsi të lagjes Xhenjo. Nga aksidenti është plagosur një pasagjer në automjetin që përfundoi në kanal.
Pasagjeri i plagosur është dërguar në spitalin e Lezhës për të marrë ndihmë mjekësore.
Policia dhe grupi hetimor ndodhen në vendngjarje për të zbardhur shkaqet dhe rrethanat e aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
