Një aksident tragjik i mori jetën një familjeje të tërë në Kosovë. Ngjarja ndodhi dje në aksin rrugor Suharekë – Duhel, në pjesën e quajtur Biraq afër Suharekës, rreth orës 13:21.
Aksidenti fatal erdhi pas përplasjes së një automjeti tip BMW dhe një autobusi. Pesë pjesëtarët e familjes nga Kosova, por me banim në Zvicër, humbën jetën.
Kryefamiljari J.S, 32 vjeçar, bashkë me gruan dhe tre fëmijët e tyre, kishin ardhur së fundi në vendlindje për pushime verore.
Dyshohet se në lëvizje e sipër, drejtuesi i mjetit ka humbur ekuilibrin duke u përplasur fatalisht me mjetin e rëndë.
Policia e Kosovës po punon për të dokumentuar shkaqet e plota të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
