Një operacion antidrogë i kryer në Athinë ka përfunduar me sekuestrimin e një sasie të madhe kokaine. Tre persona janë arrestuar dhe 1905 kilogramë kokainë janë kapur paraditen e sotme.
Pjesëtarët e grupit që u vunë në pranga janë një shtetas kroat dhe dy shqiptarë.
Oficerët e antidrogës greke bastisën një apartament në zonën e Agios Dimitrios, ku gjetën kokainën e ndarë në pako dhe të fshehur në tepsi të mbushura me rërë, të cilat ishin vendosur brenda një furre.
Ata gjetën gjithashtu 534 000 euro dhe 200 000 euro të tjera në një apartament të dytë në zonën e Ilioupolit.
Ministri i Mbrojtjes së Qytetarëve, Michalis Chrysohoidis, i përgëzoi oficerët që kryen operacionin dhe postoi në Tuiter momente nga zhvillimi i tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
