Djali i pronarit të ujit “Lajthiza” plagos tre veta me armë zjarri

<p>Një festë në orët e vona të natës për pak sa nuk u kthye në tragjedi në Rrugën e Kavajës. Ngjarja ka ndodhur në një lokal, ku Edison Elezaj, 32 vjeç, plagosi me armë zjarri tre persona të së njëjtës familje.</p> <p>Elezaj, i cili është djali i biznesmenit Hajri Elezaj, i njohur si pronar i "Ujit Lajthiza", ka plagosur aksidentalisht një vajzë dhe dy djem.</p> <p>Në njoftimin e policisë thuhet se ngjarja u zbulua vetëm pas mbërritjes në spital të tre të lënduarve.</p> <p>E. P., 36 vjeçe, A. P., 36 vjeç, dhe D. P., 34 vjeç, janë paraqitur në një spital privat për të kërkuar ndihmën e mjekëve.</p> <p>Gjendja e vajzës paraqitet më serioze, megjithatë jashtë rrezikut për jetën, sqaron policia.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Elezaj rezulton se mbante pa leje një armë zjarri me të cilën ka plagosur tre të rinjtë, pjesë e rrethit të tij shoqëror. Policia thotë se ngjarja dyshohet se ka qenë aksidentale dhe kanë nisur punën për kapjen e autorit të saj.</p> <p>Edison Elezaj rezulton i përfshirë në një konflikt në vitin 2019, së bashku me të vëllain. Edison Elezaj dhe R. Elezaj, janë përplasur me Altin Isaranj, vëllai i ish-drejtorit të Transportit Rrugor, Arben Isaraj.&nbsp;</p> <p>Ndërsa i ati, Hajri Elezaj është dënuar në vitin 2013 me 6 muaj burg si i përfshirë në skandalin e kontrabandës së naftës Virgin.&nbsp;</p> <p>Kompania “Lajthiza” e Hajri Elezit është denoncuar në media nga banorët e Mirditës se kundërshtim me vendimet e gjykatës, po tenton zaptimin e 7 burimeve për të ndërtuar fabrikë uji dhe hidrocentral.</p> <p>&nbsp;</p>