Një 16 vjeçare me origjinë nga Shqipëria është gjetur e pajetë në orët e para të mëngjesit të sotëm në Greqi.
Autoritetet kanë nisur hetimet pasi trupi i adoleshentes u gjet në pyllin e oborrit të kishës Profiti Ilia.
Fillimisht nga policia greke u tha se bëhej fjalë për një grua 30-vjeçare. Por hetimet brenda pak orëve të mëngjesit kanë rezultuar se bëhet fjalë për një 16 vjeçare shqiptare, që banon me familjen e saj në Trikala.
Mediat greke shkruajnë se viktima kishte dëmtime si pasojë e goditjeve të shumta në fytyrë dhe trup.
Dyshimet janë se ajo është vrarë, ndërkohë që ekspertët mjeko-ligjorë ende nuk kanë nxjerrë raportin përfundimtar.
Adoleshentja u gjet nga punëtorët e pastrimit të Bashkisë në oborrin e kishës. Ajo banonte bashkë me familjen e saj në qendër të qytetit Trikala.
Familja dhe shokë të vajzës janë thirrur nga policia greke për t’u marrë në pyetje, në përpjekje për të zbardhur të vërtetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
