Pas njoftimit zyrtar për zbardhjen e vrasjes së ndodhur javën e kaluar në Shëngjin, ka reaguar edhe ministri i Brendshëm, Bledi Çuçi. Nëpërmjet një postimi, Çuçi përgëzon uniformat blu dhe thotë se vijon puna me vendosmëri për të çuar para drejtësisë autorët dhe për të mësuar plotësisht organizimin dhe financimin e ekzekutimit kriminal.
“Përgëzime Policisë së Shtetit për punën e shkëlqyer për zbardhjen e ngjarjes së rëndë në Shëngjin. Profesionalizëm dhe vendosmëri për të çuar përpara drejtësisë autorët e identifikuar dhe për të mësuar plotësisht organizimin dhe financimin e atij ekzekutimi kriminal. Ndërkohë vijon puna me intensitet të lartë edhe për zbardhjen e ngjarjeve të rënda të kohëve të fundit, për të cilat rezultatet nuk do të vonojnë”, shkruan Çuçi.
Për vrasjen e biznesmenit Ardian Nikulaj akuzohen gjashtë persona, një me shtetësi shqiptare dhe britanike, një me shtetësi portugeze dhe 4 britanikë. Sipas policisë, ngjarja ka ndodhur për motive gjakmarrje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
