Një aksident u regjistrua këtë mëngjes në Lushnje, ku një person u plagos pas përplasjes me një automjet.
Sipas burimeve, aksidenti ndodhi në bypass-in e qytetit, ku një mjet tip “Benz” me targa AA607HX goditi shtetasin Odise Petro, 43 vjeç, i cili po udhëtonte me biçikletë.
Si pasojë e goditjes, Petro ka pësuar dëmtime në këmbë dhe u transportua menjëherë në spitalin e Lushnjes. Mjekët bëjnë me dije se gjendja e tij është jashtë rrezikut për jetën.
Hetimet e para tregojnë se shkak i aksidentit dyshohet të ketë qenë humbja e kontrollit nga drejtuesi i biçikletës, i cili doli në karrexhatën ku po lëvizte automjeti. Edhe pse drejtuesi i makinës ka frenuar, nuk ka mundur të shmangë përplasjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
