Një aksident rrugor është regjistruar ditën e sotme në Rrugën e Kombit, në segmentin Milot–Rrëshen, pranë Rubikut.
Sipas informacioneve paraprake, një automjet me targa të Kosovës është përplasur me një kamion. Përplasja ka qenë e fortë, duke shkaktuar plagosjen e katër personave që udhëtonin në automjet.
Të lënduarit janë transportuar me urgjencë në spital për të marrë ndihmën mjekësore, ndërsa ende nuk ka informacion të detajuar për gjendjen e tyre shëndetësore.
Në vendin e ngjarjes kanë mbërritur shërbimet e Policisë dhe grupi hetimor, të cilët kanë nisur hetimet për të zbardhur shkaqet dhe rrethanat e aksidentit.
Për disa minuta, qarkullimi i automjeteve në këtë segment të Rrugës së Kombit është vështirësuar për shkak të ndërhyrjes së ekipeve të emergjencës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
