Janë arrestuar dy gjirokastritë për trafikimin e 58 kg marijuan. Të arrestuarit janë, Petro Ngucaj dhe Celo Celo pas finalizimit të operacionit të koduar “VIROI” të ndërmarrë nga Seksioni për Hetimin e Narkotikëve në Policinë e Gjirokastrës.
Dy gjirokastritët njëri 38 dhe tjetri 23 vjec, ishin duke qarkulluar me automjetin tip BMV me targa të huaja A23E505 teksa janë ndaluar nga patrulla e Policisë Rajonale, në hyrje të Parkut Natyror të Viroit, 2 km në veri të Gjirokastrës. Ngucaj ishte shoferi i mjetit, ndërsa Celo, pasagjer. Humbja e qetësisë së Ngucajt dhe Celos pas kërkesës së bërë nga policët për kontroll fizik të mjetit, ka shtuar më tepër dyshimet për prezencën e marijuanës në bordin e mjetit që qarkullonin të dy.
Sasia prej 58 kg marijuanë e thatë, është gjetur në bagazhin e mjetit dhe ishte e ndarë në 6 pako të mbështjella me ngjitëse plasmasi të tejdukshme. Pasagjeri Celo Celo, ka mohuar të ketë patur dijeni për sasinë narkotike në bagazhin e BMV ndërsa Ngucaj, tentoi të largohej por që u izolua menjëherë nga uniformat blu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
