Shërbimet e Komisariatit të Policisë Lushnjë kanë identifikuar një shtetas që mbante armë zjarri pa leje në banesën e tij.
Në kuadër të këtij operacioni, u ushtrua një kontroll i papritur në banesën e shtetasit Vladimir Çela, ku gjatë kontrollit u gjetën dhe u sekuestruan si prova materiale: 1 armë zjarri pistoletë, 1 armë zjarri kallashnikov, 1 armë gjahu çifte, 3 krëhëra me fishekë dhe municion luftarak.
Në përfundim të veprimeve procedurale, u bë arrestimi në flagrancë i Vladimir Çelës, 50 vjeç, banues në Karbunarë.
Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
