Një person i dyshuar për vjedhjen e katër banesave, është vënë në prangat e policisë së Lezhës, gjatë operacionit të koduar “Implikimi”.
Gjatë operacionit u vu në pranga shtetasi Kastriot Kolaj, 47 vjeç, banues në Shëngjin.
Nga hetimet dyshohet se ky shtetas është autor i katër vjedhjeve në banesa, të kryera gjatë periudhës janar-prill 2024.
Gjatë kontrolleve në banesën e tij u gjetën shuma parash dhe bizhuteri të dyshuara të vjedhura, një sasi farash kanabisi dhe një përforcues grushti.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Lezhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
