Një ngjarje e rëndë ka ndodhur mesnatën e 2 qershorit në Lushnjë, ku si pasojë e nje konflikti me pronarin e lokalit është vrarë me armë zjarri shtetasi R. Q., 62 vjeç. I plagosur ka ngelur djali i tij K. Q., 31 vjeç.
Mësohet se si pasojë e një konflikti të çasti pronari i lokalit shtetasi, S. Sh., 57 vjeç, ka marrë armën e zjarrit dhe e ka drejtuar nga 62-vjeçari, i cili nuk arriti t’i mbijetonte plagëve të marra.
Ndërsa djali i tij ndodhet në Spitalin e Lushnjës nën kujdesin e mjekëve.
57-vjeçari, banues në fshatin Krutje e Sipërme, u kap nga policia disa orë pas ngjarjes.
Gjithashtu Policia ka sekuestruar në cilësinë e provës materiale armën e zjarrit automatik me të cilën dyshohet se autori kreu krimin.
Grupi hetimor nën drejtimin e Prokurorisë ndodhet në vendngjarje dhe po punon për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
