Një 20-vjeçar nga Tirana është arrestuar nga Policia e Gjirokastrës, pasi është kapur duke transportuar pesë emigrantë të paligjshëm kundrejt përfitimit.
Arrestimi i shtetasit me inicialet A. L., u bë pasi u kap në afërsi të fshatit Peshkëpi, duke transportuar me automjetin tip “Ford”, 5 emigrantë të paligjshëm nga vendet e treta, në drejtim të Tiranës, kundrejt fitimit 200 euro për person.
Në cilësinë e provës materiale u sekuestruan automjeti dhe një aparat celular. Tashmë çështja po hetohet nga Prokuroria pranë Gjykatës së Shkallës së Parë Gjirokastër për veprën penale “Ndihma për kalim të paligjshëm të kufijve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
