Dy persona janë proceduar në gjendje të lirë në Kavajë pasi kishin zënë hapësirën publike me shezlogë dhe çadra të vendosura pa leje.
Burimet zyrtare bëjnë me dije se dy administratorët e subjekteve janë M.G 60-vjeç dhe B.T 59-vjeç.
Ndërkohë në 24 orët e fundit janë arrestuar dy persona për trafikim të lëndëve narkotike. Bëhet me dije se në pranga ka rënë D.D 24-vjeç dhe R.D 34-vjeç.
Gjatë kontrollit, dy të rinjve iu gjetën një sasi me lëndë narkotike kanabis dhe një peshore elektronike.
Në pranga ka rënë edhe një 53-vjeçar i identifikuar me inicialet V.Xh i cili akuzohet se ka vjedhur 4 aparate celulare.
Gjithashtu një 31-vjeçar i identifikuar me inicialet A.Ll është arrestuar pasi drejtonte automjetin në gjendje të dehur dhe është përfshirë në një aksident ku ka shkaktuar dëme materiale.
Materialet u referuan në Prokurorinë pranë Gjykatës së Shkallës Parë Tiranë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
