Një bombë e pashpërthyer e Luftës së Dytë Botërore u gjet në Kremlin në Moskë të enjten, tha Sergei Khlebnikov, komandanti i Kremlinit, për agjencinë ruse të lajmeve TASS.
Bomba u zbulua gjatë disa punimeve dhe "do të asgjësohet". Një zëdhënës i Vladimir Putin tha se incidenti nuk ndikoi në orarin e punës të presidentit.
Kremlini u shënjestrua nga bombat gjermane tetë herë gjatë Luftës së Dytë Botërore. Bombardimi i parë u bë natën e 22 korrikut 1941, e ndjekur nga një bombë me eksploziv të lartë me peshë 250 kg që shpërtheu në çatinë e Pallatit të Madh Kremlin dhe tavanin e Sallës së Shën Gjergjit.
Bombardimi më shkatërrues ishte ai i natës së 12 gushtit të vitit 1941, kur një bombë dëmtoi rëndë pjesën lindore të ndërtesës së Arsenalit. Në periudhën 1941-1942, 94 njerëz vdiqën ose u zhdukën dhe 164 të tjerë u plagosën si rezultat i bombave. Bombardimi i fundit ndodhi në 29 Mars 1942 dhe nuk pati viktima. /Euronews/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
