Ka shkuar në 19 numri i personave të vdekur nga shpërthimi i vullkanit në Zelandën e Re. Shifra u rrit pasi policia njoftoi se një person tjetër ka vdekur në spital të dielën në mbrëmje.
Në momentin e shpërthimit të vullkanit, më 9 dhjetor, në Ishullin e Bardhë ndodheshin 47 persona. Fillimisht në këtë ngjarje kishin vdekur 13 persona dhe rreth 20 të tjerë kishin pësuar djegie të rënda. Viktima e fundit është personi i gjashtë që vdiq në spital.
Dy trupa të personave të zhdukur nuk janë gjetur ende. Autoritetet besojnë se ata kanë rënë në det pas një stuhie që e përfshiu ishullin pak pas shpërthimit të vullkanit.
Shumë prej personave të vdekur ishin turistë australianë, të cilët ishin nisur drejt ishullit me një anije. Disa prej tyre ishin duke e kaluar muajin e mjaltit.
Autoritetet e kishin ngritur alarmin më 18 nëntor për shkak të rritjes së aktivitetit sizmik të vullkanit dhe nuk dihet pse nuk ishte marrë vendim që të ndalohen vizitat në ishullin e rrezikshëm, shkruan “The Guardian”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
