Gjykata e Apelit në Shkodër ka rrëzuar vendimin e Gjykatës së Shkallës së Parë për punonjësit e policisë të cilët u lanë me masën e sigurisë “arrest shtëpie”, pasi dyshohen për shpërdorim detyre për disa tendera të vegjël.
Gjykata e Apelit në Shkodër vendosi të lirojë 7 shtetasit që kanë ankimuar në Apel nga 13 që ishin në total.
Kështu kryekomisar Saimir Rrustemi është lënë me masën e sigurisë “detyrim paraqitje”, bashkë me 6 punonjës të tjerë të policisë si dhe shtetasin Paulin Prendi.
Vendimi nga Apeli u dha ditën e sotme. Gjatë masës së sigurisë në Gjykatën e Shkallës së Parë një grup qytetarësh shkodran protestuan kundër arrestimit të kryekomisar Saimir Rrustemi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
