Një 41-vjeçar është arrestuar nga Policia e Kukësit mbrëmjen e së shtunës, teksa tentoi t’u ikte efektivëve. Sipas informacioneve të policisë, në pranga është vënë shtetasi S. Sh., i cili më herët nuk i kishte ndaluar makinën Policisë së Kosovës, duke u laguar me shpjetësi në drejtim të Shqipërisë, duke mos ndaluar as në kufi.
Pas ndjekjes, punonjësit e policisë kanë mundur të arrestojnë 41-vjeçarin, banues në fshatin Bardhoc, ndaj të cilit rëndojnë akuzat “Mosbindja ndaj urdhrit të punonjësit të Policisë së rendit publik”, “Kundërshtimi i punonjësit të Policisë së rendit publik” dhe “Kalimi i paligjshëm i kufirit shtetëror”. Materialet i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
