Ndërpritet energjia elektrike nga Durrësi deri në Sarandë

OSHEE njofton se për shkak të një avarie në sistemin e transmetimit, gjysma e vendit aktualisht është pa energji elektrike.

Nisur nga mungesa e energjisë, OSHEE njofton se për shkak të një defekti në rrjetin e OST, pa drita janë Durrësi, Kavaja, Lushnja, Fieri, Vlora, Përmeti, Gjirokastra dhe Saranda.

“Në orën 09: 15, si pasojë e një avarie në Sistemin e Transmetimit të OST-së, është ndërprerë furnizimi i nënstacioneve të OSSH-së në rajonin Durrës dhe atë Jug-Perëndimor.

Si pasojë, kanë mbetur pa energji rajonet që furnizohen nga këto nënstacione: Durrës, Fier, Vlorë, Gjirokastër, Sarandë, Përmet, Kavajë dhe Lushnje.

Aktualisht janë duke u kryer veprime operative për rikthimin e furnizimit nga rrjeti i OST të nënstacioneve në këto zona”, njofton OSHEE.