Gjykata e Tiranës ka caktuar masën e sigurisë “Arrest në shtëpi”, biznesmenin 51-vjeçar Andi Alimehmeti, i arrestuar dy ditë më parë për mashtrim. Sipas akuzës, 51-vjeçari mashtroi një grua, duke i marrë një shumë të konsiderueshme parash, prej 270 mijë euro.
Alimehmeti, sipas prokurorisë, ka në pronësi të tij një agjenci udhëtimesh. Sipas burimeve, i akuzuari ka mashtruar zonjën në fjalë duke i premtuar se do të bëhej ortak me të. Po ashtu, Alimehmeti dyshohet se ka mashtruar edhe persona të tjerë, ndërsa më herët ka qenë i proceduar po për mashtrim.
Kallëzuesja pretendon se i ka marrë shumën prej 270 mijë eurove, por ajo ka mundur që të vërtetojë përmes dokumentacioneve vetëm shumën prej 91 mijë eurosh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
