Prezenca e OSBE-së në Shqipëri i ka ulur bashkë në një takim Policitë kufitare të Shqipërisë dhe Maqedonisë së Veriut, për të diskutuar sfidat e përbashkëta që kanë të bëjnë me kontrollin e kufirit dhe patrullimet e përbashkëta gjatë sezonit veror.
Takimi i mbajtur në Ohër mes policive të dy vendeve, kishte në qendër shkëmbimin e informacionit dhe për të diskutuar sfidat e lidhura me kontrollin e kufirit, patrullimet e përbashkëta, migrimin e parregullt, pandeminë dhe sezonin veror.
Takimi u organizua nga Prezenca e OSBE-së në Shqipëri, si pjesë e mbështetjes për mekanizmin e bashkëpunimit ndërkufitar, i cili ul në tryezë drejtuesit e policive kufitare të Shqipërisë dhe të vendeve fqinje në rajon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
