Një person ka përfunduar në prangat e policisë pasi ka tentuar të kalojë në doganën e Kakavijës me çantën plot me municione.
Shërbimet e Policisë Kufitare në Kakavijë, në dalje të RSH-së, kanë kaluar për kontroll në vijën e dytë, mjetin tip "Ford" që drejtohej nga shtetasi Idajet Hasani, 52 vjeç, banues në Cërrik.
Gjatë kontrollit të ushtruar në automjet, shërbimet e Policisë Kufitare dhe shërbimet e Frontex-it, në bashkëpunim me shërbimet doganore, gjetën 49 fishekë luftarak (të kalibrit 9mm) në një çantë dore.
Në cilësinë e provës materiale u sekuestruan 49 fishekë dhe automjeti.
Në përfundim të veprimeve të para hetimore të kryera nga specialistët e Seksionit të Hetimit të Trafiqeve të Paligjshme dhe Narkotikëve në DVP Gjirokastër, u arrestua në flagrancë shtetasi I. H. për veprën penale "Trafikim i armëve dhe municionit".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
