I dënuar me 20 vite burg në Shqipëri, arrestohet në Spanjë për ekstradim 40-vjeçari nga Saranda

Policia e Sarandës bën të ditur se një 40-vjeçar nga Saranda është arrestuar në Spanjë, pasi ishte shpallur në kërkim ndërkombëtar.

Bëhet fjalë për shtetasin Adrian Ogiçi, i cili ishte dënuar me 20 vite burg për kryerjen në bashkëpunim të veprave penale “Rrëmbimi i personit” dhe “Trafikimi i lëndëve narkotike”. 

Ai pritet të ekstradohet drejt Shqipërisë për të vuajtur dënimin.

Në vijim të bashkëpunimit me partnerët ndërkombëtarë për shkëmbimin e informacionit mbi vendndodhjen, kapjen dhe arrestimin e shtetasve të shpallur në kërkim, është bërë i mundur lokalizimi, kapja dhe arrestimi i tij në Spanjë.

40-vjeçari, banues në Sarandë, ishte shpallur në kërkim ndërkombëtar për veprat penale të kryera në bashkëpunim.