Thyen masën e sigurisë dhe kërcënon policët me thikë, arrestohet 46-vjeçari në Mirditë

Një 46-vjeçar në Mirditë është vënë në prangat e policisë pasi ka thyer masën e sigurisë "Arrest në shtëpi".

Shtetasi L. V u kap duke lëvizur në qytetin e Rrëshenit.

Ndaj tij Gjykata e Rrethit Gjyqësor Lezhë kishte caktuar masën e sigurisë "Arrest në shtëpi", për kundërshtim të punonjësit të rendit publik.

Në momentin që punonjësit e Policisë i kanë kërkuar dokumentin e identifikimit, 46-vjeçari ka kundërshtuar urdhrin e tyre dhe i ka kërcënuar me një thikë që të mos i afroheshin dhe ka tentuar të largohej, por është neutralizuar dhe prangosur nga shërbimet e Policisë.

Në përfundim të veprimeve u bë arrestimi në flagrancë i tij.

Materialet i kaluan Prokurorisë së Rrethit Gjyqësor Lezhë, për veprime të mëtejshme, për veprat penale në ngarkim të tij "Largimi i të burgosurit nga vendi i qëndrimit" dhe "Kanosja për shkak të detyrës".