Një sasi e vogël lënde plasëse, e dyshuar tritol, ka shpërthyer në derën e një dyqani në Katund të Ri në Durrës, mbrëmjen e djeshme.
Mësohet se dyqani ishte në pronësi të shtetasit Hysen Gashi.
Policia konfirmon se nuk ka persona të lënduar por vetëm dëme materiale.
Rreth orës 22:20, në fshatin Katund i të Ri, Durrës, në derën e jashtme të dyqanit të shtetasit H. G., 54 vjeç, është vendosur dhe ka shpërthyer një sasi e vogël lëndë plasëse.
Si pasojë është dëmtuar vetëm qepeni i jashtëm i derës së dyqanit. Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
