Ngacmoi seksualisht të miturën, në pranga 56-vjeçari nga Vlora

Një 56-vjeçar me inicialet T.Z., është vënë në pranga pasi akuzohet se ka ngacmur seksualisht një vajzë të mitur.

Sipas njoftimit të policisë, 56-vjeçari është kallëzuar nga vetë 14-vjeçarja.

“Më ka ngacmur seksualisht,”- mësohet se ka thënë e vogla para uniformave blu.

Pas këtij kallëzimi, efektivët kanë shkuar në banesën e 56-vjeçarit dhe e kanë vënë atë në pranga.

Pritet që i arrestuari të merret gjithashtu në pyetje për të dhënë versionin e tij të ngjarjes.

Lidhur me rastin, materialet i kaluan Prokurorisë, për veprime të mëtejshme.