Në Thumanë vijojnë kërkimet për të mbijetuar nga tërmeti. Punimet po kryhen me kujdes vetëm në një pallat, pasi rrezikohet që ndërtesa të shkojë drejt shembjes së plotë.
Siç raporton gazetarja e Tema TV, Dafina Kola, në dy pallatet e tjera ka mbaruar puna për kërkimin e të mbijetuarve, pasi dy të bllokuarit e fundit janë nxjerrë të vdekur.
Ndërkohë, në pallatin ku vijojnë kërkimet janë nxjerrë deri tani trupat e tre viktimave. Ekipi i kërkimit ka konstatuar se nën rrënoja ka edhe persona të tjerë, gjendja e të cilëve nuk dihet.
Bëhet fjalë për një vajzë të mbetur nga familja Kamili dhe pjesëtarë të familjes Cara, që ende po kërkohen nën rrënoja.
Në vendngjarje ka mbërritur edhe zv.kryeministri Erion Braçe dhe ministri i Brendshëm, Sandër Lleshaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
