Një automjet tip “Range Rover” është përfshirë nga flakët në orët e para të mëngjesit në Pogradec. Ngjarja është regjistruar rreth orës 03:50 në lagjen nr.1, në afërsi të Capri Center, ku mjeti është djegur pothuajse plotësisht.
Sipas burimeve, automjeti rezulton të jetë në pronësi të Erion Maxhari, emër i njohur për autoritetet vendore për shkak të precedentëve të mëparshëm penalë.
Ai ka qenë i përfshirë edhe në një incident të ndodhur ditën e zgjedhjeve, ku u raportua për një konflikt fizik me një komisioner.
Grupi hetimor ka kryer kqyrjen e vendit të ngjarjes dhe ka sekuestruar pamjet e kamerave të sigurisë në zonë, me qëllim zbardhjen e plotë të rrethanave.
Burime nga hetimi bëjnë me dije se ekzistojnë dyshime se zjarri mund të ketë qenë i qëllimshëm, megjithatë shkaku i tij nuk është konfirmuar ende zyrtarisht.
Autoritetet po vijojnë punën për dokumentimin e plotë të ngjarjes dhe përcaktimin e shkakut të rënies së zjarrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
