Zhdukja e mistershme e 19-vjeçares shqiptare në Greqi, vijon të mbesë pa në ‘vend numëro’. Artemis Vasili rezulton e zhdukur që prej 16 tetorit 2020 në Koropi, ndërsa familjes i kishte thënë se po shkonte për të dhënë një intervistë pune. Fatkeqsisht, ajo nuk u kthye më nga ajo intervistë pune.
Avokati i familjes, Anastasios Dougas është shprehur për protothema.gr, se ka informacione se vajza është duke u mbajtur pa dëshirën e saj nga dy burra. Ai nuk përjashton mundësinë që ata të kenë bërë ndryshime në pamjen e 19-vjeçares.
“Informacioni që kemi është se ajo po mbahet nga dy burra kundër vullnetit të saj. Në fakt, ata e kanë parë atë në Volos dhe Athinë, është saktësisht e njëjta dëshmi. Pas dimensionit që ka marrë çështja, mendoj se mund të ketë pasur disa ndryshime në pamjen e 19-vjeçares, mund t’i kenë prerë flokët, mund t’i kenë vendosur paruke, nuk e di. Hetimet janë duke vazhduar dhe apeli ynë është që kushdo që di ndonjë detaj, të flasë edhe në mënyrë anonime”, tha Dougas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
