Një 30-vjeçar italian dhe një grua 44-vjeçare, të dy të papunë dhe pa precedentë, u arrestuan nga policia italiane e Venarias, në zonën e Torinos, për vrasjen e Fatmir Arës, sipërmarrësit shqiptar në sektorin e ndërtimit, i cili u gjet i vdekur në San Carlo Canavese më 3 shtator.
Davide Osella, i cili kishte pranuar krimin, u arrestua më 6 shtator si i dyshuari kryesor për vrasjen.
Dy të arrestuarit e orëve të fundit siç raportojnë mediat italiane, akuzohen për bashkëpunim në vrasjen e 43-vjeçarit.
Shqiptari u vra me të paktën tre të shtëna me armë zjarri në fytyrë. Aktualisht hetimet janë në vijim për zbardhjen e mëtejshme të ngjarjes, ndërsa në ditët në vijim pritet seanca për caktimin e masave të sigurisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
