Një 61-vjeçar është arrestuar nga Policia e Lezhës, pasi është kapur me armë pa leje në dyqanin e tij. Policia njoftoi ditëm e sotme se arrestimi i tij është kryer gjatë operacionit të koduar “Kashnjeti”, për goditjen e armëmbajtjes pa leje.
“Gjatë operacionit është sekuestruar 1 armë zjarri dhe 1 armë gjahu. “Në zbatim të planit të masave për evidentimin dhe ndëshkimin e personave që mbajnë armë pa leje, strukturat e DVP Lezhë, bazuar dhe në informacionet e siguruara në rrugë operative, zhvilluan dhe finalizuan operacionin policor të koduar “Kashnjeti”, në kuadër të të cilit u bë kapja dhe arrestimi në flagrancë i shtetasit: N. P., 61 vjeç, banues në Kashnjet, Lezhë”, njoftoi policia.
Gjatë kontrollit të ushtruar në dyqanin e këtij shtetasi, shërbimet e Policisë gjetën dhe sekuestruan në cilësinë e provës materiale një armë zjarri automatik dhe një armë gjahu.
Materialet iu referuan Prokurorisë së Rrethit Gjyqësor Lezhë, për veprat penale “Mbajtja pa leje e armëve luftarake”dhe "Mbajtja pa leje e armëve të gjuetisë dhe sportive".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
