Një 55-vjeçar është arrestuar nga Policia e Kavajës, pasi ishte shpallur në kërkim ndërkombëtar nga autoritetet italiane.
Sipas policisë, në pranga ka përfunduar shtetasi Xheladin Deda, me qëllim ekstradimi drejt Italisë. Operacioni për kapjen e tij është zhvilluar nga Komisariati i Policisë Kavajë, në bashkëpunim me Interpol Tirana.
“Nga Komisariati i Policisë Kavajë, në bashkëpunim me Interpol Tirana, në vijim të punës për kapjen e personave në kërkim ndërkombëtar, në bazë të informacioneve të siguruara në rrugë operative, në Rrogozhinë, u kap dhe u ndalua shtetasi në kërkim ndërkombëtar Xheladin Deda, 55 vjeç, banues në Rrogozhinë”, njoftoi policia.
Ky shtetas ishte i shpallur në kërkim ndërkombëtar, pasi Gjykata e Torinos e ka dënuar këtë shtetas me 4 vite e 4 muaj burg për veprat penale “Shfrytëzim prostitucioni” dhe “Dhunë seksuale”. Interpol Tirana, në bashkëpunim me Interpol Romën, po vijon procedurat për ekstradimin e këtij shtetasi drejt Italisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
