Një aksident i rëndë u regjistrua pasditen e sotme në aksin rrugor Tiranë-Durrës.
Sipas njoftimit të policisë, një 62-vjeçar që po drejtonte një mjet tip “Ford”, përplasi një këmbësor, rreth 60 vjeç.
Për shkak të plagëve të rënda, ai humbi jetën në vend, ndërsa ende nuk është identifikuar.
“Më datë 11.09.2021, në orën 16:40, në aksin rrugor Tiranë-Durrës, shtetasi A. A., 62 vjeç, duke drejtuar automjetin tip “Ford”, ka aksidentuar një shtetas këmbësor ende të paidentifikuar, rreth 60 vjeç, i cili për pasojë ka ndërruar jetë.
Drejtuesi i automjetit është shoqëruar në ambientet e policisë për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
