Një konflikt në familje në fshatin Agonas të Kavajës, i ndodhur mes dy vëllezërve në një arë, ka përfunduar me vrasjen me thikë të njërit prej tyre.
Gazetarja Ervina Garo raportoi për MCN Live, se autori i dyshuar ishte kryeplaku i fshatit, i cili pas krimit dhe arrestimit ka shprehur pendesë.
Muhamet Rreshka dhe Eqerem Rreshka janë konfliktuar në arë, ndërsa mblidhnin bazën ushqimore për bagëtitë.
Muhamet Rreshka 76 vjeç, i cili është dhe kryeplaku i zonës ka goditur me thikë vëllanë e tij Eqerem Rreshka, 74 vjeç, duke i shkaktuar vdekjen.
Debati mes tyre ka lindur pasi autori i dyshuar nuk donte që i vëllai të kalonte në arën e tij, duke e përdorur si rrugë, duke bërë që ky konflikt të përfundojë në mënyrë tragjike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
