Policia e Dibrës ka arrestuar autorin e dyshuar të vrasjes së pronarit të hotelit në Dibër, Elsi Kosiqi.
Sipas policisë autori i dyshuar është Mahmut Gega banues në njësinë administrative Shupenzë.
"Pas një pune intensive nga Strukturat e Drejtorisë Vendore të Policisë Dibër, në bashkëpunim me Prokurorinë e Rrethit Gjyqësor Dibër, u bë arrestimi në flagrancë i autorit të dyshuar të vrasjes,shtetasi: M.G, banues në njësinë administrative Shupenzë. Paraprakisht dyshohet se shkaku është për konflikte për motive të dobëta. Për shkak të hetimeve nuk bëjmë me dije të dhëna të tjera dhe rrethana të ngjarjes", thuhet në njoftimin e Policisë.
Shtetasi Elsi Kosiqi u vra në oborrin e banesës kur sapo kishte parkuar automjetin dhe po futej në shtëpinë e tij. 32-vjeçari sapo ishte kthyer nga Maqedonia, ndërsa mëngjesin e ditës së sotme është gjendur i pajetë në derën e shtëpisë së tij. Kosiqi është bashkëpronar me vëllain e tij në një hotel në llixhat e Peshkopisë dhe ai njihej si person problematik në zonë.
Ngjarja u regjistruar rreth orës 01:30 të mëngjesit, ndërsa për shkak të hetimeve policia nuk bën me dije të dhëna të tjera të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
