GJKKO ka rrëzuar disa nga kërkesat kryesore të parashtruara sot në gjykatë nga kryebashkiaku Erion Veliaj, raporton gazetari Besmir Pula. Po ashtu është shtyrë për më 5 dhjetor seanca kur do të vendoset nëse do kalojë ose jo për gjykim çështja për krybashkiakun.
“Kryebashkiaku ka parashtruar para GJKKO disa kërkesë, ku fillimisht kërkoi heqjen e menjëhershme të masës së vendosjes në kafaz. Sipas edhe Veliajt, duke cituar konventat, është vendim poshtërues, paragjykues. Në pikën dy ka kërkuar vënien e plotë të akteve të dosjes në një formë të lexueshme dhe të aksesueshme, për të mbrojtur veten. Në pikën 3 ka kërkuar shtyrjen e procedurës derisa t’i garantohet e drejta e mbrojtjes. Trupa gjykuese ka vendosur të refuzojë vënien në dispozicion të akteve të dosjes, në formën që ai kërkon, përmes një laptopi apo mjeti të ngjashëm. Gjykata ka refuzuar kërkesat kryesore të tij. Është vendosur shtyrja e seancës për kalimin ose jo në gjykim për në 5 dhjetor. Ka pasur debate me prokurorin Dado”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
