Të shtëna me armë zjarri janë raportuar ditën e sotme në Policinë e Elbasanit. Ngjarja ka ndodhur në lagjen ‘5 Maji’ në Elbasan, ndërsa policia ka shkuar menjëherë në vendin e ngjarjes.
Nga verifikimet në terren, nuk janë gjetur gëzhoja arme, ndërsa nuk është raportuar asnjë person i lënduar.
Ndërkohë, nga burimet e policisë dyshohet se të shtënat me armë kanë ardhur si pasojë e një konflikti në familje, ndërsa gjatë kontrolleve të ushtruara është gjetur dhe sekuestruar një armë zjarri.
Shtetasi Arjan Ruvina, pas një debate me familjarët e tij ka qëlluar më armë zjarri në ajër. Fatmirësisht, mbërritja në kohë e punonjësve të policisë ka bërë të mundur edhe shmangien e një tragjedie në familje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
