Florand Shehu, 40-vjeçari shqiptar që masakroi bashkëshorten e tij në zonën e njohur “Daphe” të Greqisë, doli këtë të shtunë para gjykatës për t’u njohur me masën e tij të sigurisë. Ndaj tij, u caktua masa e qëndrimit në burg, deri në momentin e marrjes së një dënimi për aktin e rëndë që kreu. Florand Shehu është shfaqur kokë ulur para gjykatës të Athinës, ndërsa mësohet se para trupës gjykuese ai ka qëndruar i heshtur.
Momentin kur ai u vetëdorëzua në polici, ka rrëfyer se gjithçka ka ndodhur për xhelozi. “Isha xheloz për të… Mendoj se ajo po më tradhtonte. Mu turbullua mendja dhe e vrava. Ishte çështje nderi”, është shprehur shqiptari teksa është marrë në pyetje nga policia greke. Oficerët e policisë që shkuan në shtëpi pas vetëdorzimit të autorit të ngjarjes e gjetën viktimën të mbuluar nga gjaku.
Autori dyshohet se ka ushtruar kontroll të vazhdueshëm mbi viktimën pavarësisht faktit se para të tjerëve ai dukej bashkëshort i përkushtuar. Sipas dëshmisë së fqinjëve, çifti kishte zënka të shpeshta, dhe situata dukej se po përkeqësohej çdo ditë, pasi policia u informua më 11 Korrik kur ngriti një padi mbi autorin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
